Хатас айар талааннаах дьоно
Куорат кытыытыгар сытар хайҕаллаах Хатаспыт сирэ элбэх айар талааннаах дьоннорунан биллэр. Кинилэр дьон-сэргэ махталын ыла, араас эйгэҕэ саха сиэринэн сэмэйдик үлэлии-хамсыы, күннэтэ түбүгүрэ сылдьаллар. Айар үлэни аргыс оҥостубут дьоммутун нэһилиэк бүтүннүү ытыктыыр, киэн туттар. Биһиги бүгүн айар дьоҕурдаах дьоммутун уонна кинилэр айар үлэлэрин кытта билиһиннэриэхпитин баҕарабыт.
Сэҥээрбит кинигэҕитин библиотекаттан уларсан ааҕыаххытын сөп.
КИНИГЭНИ УЛАРСАРГА СҮБЭЛЭР
Бу кнопка көмөтүнэн кинигэни библиотекаттан сакаастыахха сөп
Гаврильева Оксана Павловна-Айсана — суруйааччы, учуутал, педагогическай билим кандидата, Саха Республикатын үөрэҕириитин туйгуна, Российскай Федерация уөрэҕириитин бочуоттаах үлэһитэ, Россия чулуу учуутала, Саха АССР 100 сааһыгар анаммыт премия лауреата, үлэ бэтэрээнэ, Хатас нэһилиэгин норуот маастара, коллекционер.
1963 сыллаахха Мииринэй оройуонун Ботуобуйа нэһилиэгэр күн сирин көрбүтэ. 1982 сыллаахха Н.Г. Чернышевскай аатынан Бүлүүтээҕи педагогическай училищены бутэрбитэ, 1988 сыллаахха — Дьокуускайдааҕы государственнай университеты бүтэрэн, нуучча тылын уонна литературатын учууталын идэтин ылбыта. Ити идэтинэн Н.Е. уонна П.Н. Самсоновтар ааттарынан Хатас оскуолатыгар үлэлиир.
Надежда Парфеньевна Егорова-Намылы Сунтаар улууһугар Кутана нэһилиэгэр 1963 с. төрөөбүтэ.
Саха государственнай университетын историко-филологическай факультетын бүтэрбитэ. Гуманитарнай чинчийиилэр институтугар, 13 сыл Саха информационнай агентствотыгар тылбаасчытынан үлэлээбитэ. 2007 сылтан «Саха сирэ» хаһыат корреспонденынан үлэлиир. 8 кинигэ автора: «Дьахтар абылыыр айылгыта», «Сэһэргээ, үрүҥ халааттаах аанньалым», «Ыра санаа ыллыгынан», «Төрөөбүтүм төлкөлөөх олоҕу олороору», «Айыылартан алгыстаах аанньаллар», «Тайҕа таайыллыбатах таптала», «Дьол хараҕа суох», «Судьуйа аараан аартыгынан».
Сүрүн үлэлиир хайысхата -– олох-дьаһах боппуруостара, доруобуйа харыстабыла, литература, театр.
Надежда Егорова – Россия журналистарын Сойууһун чилиэнэ, Саха Республикатын суруйааччыларын Сойууһун чилиэнэ, Россия журналистарын Сойууһун «За верность к теме» бириэмийэ лауреата, «За вклад в журналистику» Россия журналистарын Сойууһун бочуот бэлиэтинэн наҕараадаламмыта. Саха Республикатын бэчээтин туйгуна, Саха Республикатын култууратын туйгуна, Саха Республикатын үтүөлээх журналиһа, Сунтаар улууһун Кутана нэһилиэгин бочуоттаах гражданина.
Наталья Ивановна Руфова Уус-Алдан улууһугар Түүлээх нэһилиэгэр төрөөбүтэ. Суотту СПТУ-гар комсомол босхоломмут сэкиритээринэн, Хатас дьаһалтатыгар сүрүннүүр исписэлииһинэн, 2014 сылтан Тускул култуура киинигэр түмсүүлэр салайааччыларынан үлэлиир.
ДьПУ-ну, онтон пединституту кэтэхтэн үөрэнэн бүтэрбитэ.
Саха Республикатын култууратын туйгуна, Саха республикатын норуот айымньытын сайдыытыгар кылаатын иһин бэлиэ хаһаайката, Россия суруналыыстарын сойууһун чилиэнэ.
Сарсыарда аайы саҥа күнү уруйдуу, олоххо тардыһыылаах буолуохха, хас биирдии күҥҥэ махтаныахха диэн суруйуулары бар дьонугар анаан ыытар.
Наталья Иннокентьевна Игнатьева Өлүөхүмэ улууһугар 1 Нөрүктээйи нэһилиэгэр төрөөбүтэ. Саха государственнай университетын филологическай салаатын 2000 сыллаахха бүтэрбитэ.
Үөрэҕирии, култуура салааларыгар, буруйу боруостуур сулууспа уорганнарыгар үлэлээбитэ.
Билигин Хатас олохтоох дьаһалтатыгар сүрүннүүр исписэлииһинэн үлэлиир.
Дьиҥнээх олоххо буолбукка тирэҕирэн суруллубут кэпсээҥҥэ Ленинград блокадатыттан Саха сиригэр кэлбит кыра кыыс олоҕо ойууланар.
Ырыа күнүн көҕүлээччитэ, элбэх ырыа ааптара, Саха Республикатын народнай артыыһа, Саха Республикатын култууратын үтүөлээх үлэһитэ, Саха Республикаты култууратын туйгуна Калининскай Алексей Кириллович-Луҥха 1953 с. Кэбээйи улууһун Куокуй нэһилиэгэр күн сирин көрбүтэ. Дьокуускайдааҕы музыкальнай училищены (1976), Илиҥҥи Сибиирдээҕи култуура институтун (1988) үөрэнэн бүтэрбитэ.
Сангаар оҕо музыкальнай оскуолатыгар үлэлээн саҕалаабыта. Кини туруорсуутунан Мукучу оҕо музыкальнай оскуолата 1984 с. аһыллыбыта.
1990-1991 сс. – Хатас оҕо музыкальнай оскуолатыгар учууталлыыр.
1991-1997 сс. – Саха Республикатын мелодистарын ассоциациятын салайар.
1994-2000 сс. – Дьокуускайдааҕы музыкальнай училище учуутала.
2000-2005 сс. — СӨ үөрэҕи сайыннарар уонна квалификацияны үрдэтэр институт музыка кабинетын сэбиэдиссэйэ.
2005-2015 сс. – Республикатааҕы инбэлииттэри чөлүгэр түһэрэр кииҥҥэ үлэлиир.
2015 сылтан Хатастааҕы «Тускул» култуура киинигэр үлэлиир.
Кинигэҕэ композитор Алексей Калининскай араас кэмҥэ айбыт ырыалара киирбиттэр..
Саха Республикатын култууратын үтүөлээх үлэһитэ, биллэр мелодист Исай Исаакович Брызгалов 1953 с. Мэҥэ-Хаҥалас улууһун Төҥүлү сэлиэнньэтигэр төрөөбүтэ. Дьокуускайдааҕы музыкальнай училищены ситиһиилээхтик үөрэнэн бүтэрбитэ. Араас үлэҕэ үлэлээбитэ: Саха Республикатын Государственнай национальнай телерадиокомпаниятын хоругар, Жатайдааҕы суднолары өрөмүөннүүр заводка, онтон да атын сирдэргэ. Элбэх ырыа ааптара, ол курдук «Дьүкээбил», «Дойдум дьоно», «Оһуокай», онтон да атыттар.
Билигин Хатас нэһилиэгэр олорор.
Кинигэҕэ мелодист Исай Брызгалов араас саха поэттарын тылларыгар айбыт ырыалара киирбиттэр.
Саха Республикатын култууратын туйгуна, Саха Республикатын үөрэҕириитин ситимин туйгуна, Саха Республикатын мелодистарын ассоциациятын кыттыылааҕа, Хатас Самсоновтар ааттарынан орто оскуолатын учуутала Андросов Николай Михайлович 1975 с. Уус Алдан улууһун Бороҕон нэһилиэгэр күн сирин көрбүтэ. Сыырдаах орто оскуолатыгар үөрэммитэ. Дьокуускайдааҕы култуура уонна искусство колледжын бүтэрбитэ.
«Дьол тааһа» ырыата 2022 с. Үрдэл Национальнай музыкальнай бириэмийэ кыайыылааҕынан буолбута.
«Якутск-Москва» ырыата Саха сирин Постпредствота 100 сылыгар аналлаах музыкальнай күрэх кыайыылааҕынан буолбута.
Бу ырыанньыкка саха биллиилээх мелодиһа Николай Андросов суруйбут ырыалара киирдилэр. Манна ырыа тылларын, нотатын таһынан айымньы хайдах ылланарын QR-кодунан истиэххэ сөп.
Саха Республикатын култууратын туйгуна, биллэр ырыаһыт, мелодист Сорокин Василий Николаевич-Айгылаан 1985 с. Мэҥэ- Хаҥалас улууһун Төҥүлү нэһилиэгэр төрөөбүтэ. 2003 с. оскуоланы бүтэрбитэ. Искусство уонна култуура Арктическай институтугар үөрэммитэ. Араас музыкальнай күрэхтэр кыайыылаахтара. Элбэх ырыа ааптара.
2005-2017 сс. радиостанцияларга үлэлээбитэ.
Билигин Саха государственнай эстрада театрыгар үлэлиир.
- Выставку подготовил:
- Никифорова Мария Сергеевна,
- заведующий