логотип 2019 ЦБС цветовое_др БЕЛЫЙ
Сельская библиотека-филиал №9 им. И.Д. Панаева

Хатас сэлиэнньэтэ урут уруккуттан үлэһит дьоннордооҕунан биллэр. Үлэһит киһи мэлдьи инники күөҥҥэ сылдьар, дьон барыта кинилэри ытыктыыллар, холобур оҥостоллор.

 Бүгүн биһиги Хатаска үлэлээбит киэн туттар үлэһит дьоммут туһунан виртуальнай быыстапканы эһиги болҕомтоҕутугар таһаарабыт. Кинилэр бары, төһүү үлэһит дьон, олохторун бүтүннүү үлэҕэ анаабыттара, үлэнэн дьолломмуттара. Чаҕылхай олохтоох үлэһит дьоммут мэлдьи биһиги сүрэхпитигэр-дууһабытыгар бааллар. Кинилэри билиҥҥи көлүөнэ уонна кэлэр кэнэҕэски ыччаппыт эмиэ биллиннэр диэн бу быыстапканы бэлэмнээтибит.

Парасковья Павловна Федорова

Кинигэҕэ республикаҕа уонна Россияҕа киэҥник биллибит хаһаайыстыбаннай салайааччы, олоҕун бүтүннүү үлэҕэ анаабыт саха дьахталларыттан суос-соҕотох совхоз директорынан, «Хатас» совхоз салайааччытынан түөрт уонча сыл бэрт сатабыллаахтык, үтүө суобастаахтык үлэлээбит, республика киин куоратын бочуоттаах гражданинын, Ленин орденын кавалерын Парасковья Павловна Федорова олоҕун, үлэтин туһунан бэчээккэ тахсыбыт ыстатыйалар, бииргэ алтыһан үлэлээбит дьонун уонна аймахтарын истиҥ ахтыылара түмүллэн киирдилэр.

Полное описание Закрыть
ЗАКАЗАТЬ

Эн кэрэҕин, дьиктигин, дьоллооххун, сырдыгыҥ сыдьаайа туруохтун!

Хатаска маҥнайгы тракторист дьахталлартан биирдэстэрэ, өр сылларга тыа хаһаайыстыбатыгар үтүө суобастаахтык үлэлээбит үлэ, тыыл бэтэрээнэ Варламова Анна Андреевна туһунан кэпсэнэр.

Полное описание Закрыть
ЗАКАЗАТЬ

Оонньоммотох оҕо саас

Кинигэҕэ Хатас тыыл, үлэ бэтэрээннэрэ Аҕа дойду сэриитин кэмигэр  олохторун туһунан ахтыылара киирбиттэр.   

Кинилэр бары кыра эрдэхтэриттэн үлэҕэ мускуллан, улахан дьону кытта тэбис тэҥҥэ үлэлээн улааппыт ытык дьоммут.

Полное описание Закрыть
ЗАКАЗАТЬ

«Куруук бииргэ буолуохпут…»

Кинигэҕэ  Хатас нэһилиэгин бочуоттаах олохтоохторо Матрена Яковлевна уонна Афанасий Иванович Капитоновтар — олус үлэһит, үлэни өрө туппут ыаллар олохторо сырдатыллар. 

Матрена Яковлевна өр сылларга оҕо уһуйааныгар дьаныардаахтык үлэлээбитэ. 

Афанасий Иванович үйэтин тухары массыына уруулуттан илиитин араарбакка суоппардаабыта. Элбэх эдэр ыччаты бэйэтин идэтигэр уһуйбута, такайбыта. 

Полное описание Закрыть
ЗАКАЗАТЬ

Алаас ааттаах, дойду сурахтаах

Кинигэҕэ үлэ тыыл бэтэрээнэ, Чурапчы көһөрүүтүн кыттыылааҕа Иван Иванович, СӨ Норуотун хаһаайыстабытын үтүөлээх үлэһитэ, үлэ, тыыл бэтэрээнэ, Герой ийэ Клавдия Егоровна Пермяковтар дьиэ-кэргэн уонна кинилэр оҕолорун үтүө үгэстэрин, үлэлэрин-хамнастарын, олоххо көрүүлэрин туһунан бииргэ төрөөбүттэр, бииргэ үлэлээбиттэр уонна  ахтыылара киирдилэр.

Полное описание Закрыть
ЗАКАЗАТЬ

Сүрэхпитигэр-дууһабытыгар баар күндү дьоммут

Кинигэҕэ Анастасия Прокопьевна, Иннокентий Иванович Охлопковтар көлүөнэ ситимин оҕолорун үлэҕэ анаммыт олохторун туһунан сиэннэр, үөлээннээхтэр истиҥ иһирэх ахтыылара киирдилэр.

Иннокентий Иванович кыра эрдэҕиттэн тыа ыалын олоҕун хардыытынан хара үлэҕэ эриллэн улааппыт. Анастасия Прокопьевна ыал улахан оҕото буолан бырааттарын, балтыларын көрсөн, эмиэ эрдэттэн хара үлэҕэ эриллэн улааппыт.

Кинилэр оҕолоро бэйэлэрин утумнаан, ханнык да ыарахан үлэттэн толлубат төһүү үлэһит буолан, дьоһуннаах олоҕу олорбуттара. 

Кинилэр үтүө үгэстэрин сиэннэрэ салҕыыллар. 

 

Полное описание Закрыть
ЗАКАЗАТЬ

Төрөөбүт Хатаһын туһугар

Бу кинигэҕэ Ленин уонна Үлэ Кыһыл Знамята орденнардаах республика уһулуччулаах отчута, РСФСР үтүөлээх механизатора, ыччат наставнига Рожь Федотович Николаев олоҕун уонна үлэтин туһунан сурулунна.

Полное описание Закрыть
ЗАКАЗАТЬ

Сырдык кыымы саҕан…

Хомуурунньукка Уус Алдан улууһун Тумулуттан төрүттээх Хатас олохтооҕо, медик идэлээх Варвара Устиновна Аргунова олоҕун, үлэтин туһунан оҕолорун, аймахтарын, доҕотторун, үөлээннээхтэрин, коллегаларын истин-иһирэх ахтыылара таҥылыннылар.

Полное описание Закрыть
ЗАКАЗАТЬ

Үлэҕэ анаммыт олох

Кинигэҕэ Үлэ Кыһыл Знамятын, Үлэ Албан аатын II, III степеннээх орденнар кавалердара, Хатас нэһилиэгин бочуоттаах олохтооҕо, үлэ бэтэрээнэ, дьоһуннаах тус-бас аҕа, улахан дьиэ-кэргэн баһылыга Жирков Иван Михайлович үлэ5э анаммыт оло5ун суолун бэлиэ кэрдиис кэмнэрэ сурулунна. 

Полное описание Закрыть
ЗАКАЗАТЬ
Наш адрес:
Сельская модельная библиотека-филиал №9 им. И.Д. Панаева
677000, Республика Саха (Якутия),
г. Якутск, с. Хатассы, 
ул. Каландарашвили, 20
тел: +7 (4112) 40-92-34
эл. почта: panaeva@cbsykt.ru

 

 

Vk Youtube
Режим работы:
Пн-пт — 9:00-18:00
Вс — 10:00-18:00
Суббота — выходной
Последняя пятница — санитарный день

Подготовила:
Никифорова М.С., главный библиотекарь